Nederlands

Asamblea General di OLACEFS 2017

 Asamblea General di OLACEFS 2017

Asamblea General ta e órgano mas haltu di 'Organización Latinoamericana y del Caribe de Entidades Fiscalizadoras Superiores (OLACEFS)' i ta tuma lugá un biaha pa aña. Na 2017, ofisina di Contraloría General di Repúblika di Paraguay a organisá e asamblea. Konforme e normanan, ta tene un reunion atministrativo promé ku e asamblea general.

E di 27 Asamblea General di OLACEFS a tuma lugá di djárason 4 te ku djabièrnè 6 di òktober 2017 ku partisipashon di kontralorianan di diferente pais, inkluso Kòrsou, komo tambe algun otro organisashon i entidat internashonal ku ta traha estrechamente ku e kontralorianan.

E temanan di karakter tékniko ku a keda tratá durante e Asamblea General tabata ‘Uso di análisis di big data den funshon di ouditoria’ i ‘Uso di performance audit pa evaluashon di e metanan di desaroyo duradero’. Pa Kontraloria General di Kòrsou, e evento akí tabata un bon chèns pa papia riba e temanan akí ku e otro kontralorianan, evaluá e progreso ku e diferente komunidatnan na nivel regional i mundial ta alkansando i fiha kua ta e akshonnan ku lo bai tuma den futuro.

Galeria di portrèt