Nederlands

Kontraloria General di Kòrsou a partisipá na e 'International Integrity Seminar'

 Kontraloria General di Kòrsou a partisipá na e 'International Integrity Seminar'

International Integrity Seminar 
‘Strengthening Public Sector Integrity - The Most Challenging Issues’

 

Den e periodo di 4 pa 8 di mart 2019 Kontraloria General di Hungria a organisá pa di seis biaha e seminario internashonal tokante prevenshon di korupshon na kua 31 'auditors' di prinsipalmente paisnan di Medio-Oriente, Afrika, Amérika Sentral i Sur Amérika a partisipá.

E meta prinsipal di e evento akí, durante e sinku dianan, tabata e konsientisashon di e kultura di maneho públiko basá riba integridat. Ademas e seminario tabatin komo meta pa desaroyá i sostené un funshonamentu transparente di e estado, prinsipalmente di e paisnan den desaroyo, dor di kompartí e mihó práktikanan di Hungria i sobra práktikanan internashonal durante e seminario.

E seminario a konsentrá riba: integridat di destaho públiko, e práktikanan di destaho den e sektor públiko i uso (aporte òf kontribushon) di ekspertonan eksterno.

Adishonalmente riba loke ya a wòrdu menshoná, partisipantenan por a registrá pa bira miembro di e 'Integrity Project Group', kua ta un wèpsait será kaminda solamente e miembronan tin akseso. E meta di e grupo akí ta pa kompartí konosementu i eksperensia en konekshon ku integridat bou di e miembronan mediante un asina yamá presentashon di produkto. Tambe e wèpsait lo yuda pa mantené kontakto entre e miembronan.

Pa mas informashon klek riba e lenknan akí bou.

https://youtu.be/GalErjDzvhs

https://youtu.be/gZLKu22uay8

https://www.aszhirportal.hu/en/news/integrity-seminar-2019-summary-of-the-second-day

https://www.aszhirportal.hu/en/news/integrity-seminar-2019-summary-of-the-third-day

https://www.aszhirportal.hu/en/news/integrity-seminar-2019-summary-of-the-fourth-day

Galeria di portrèt