Nederlands

SAI Leadership and Stakeholder Meeting

 SAI Leadership and Stakeholder Meeting

Dia 22 i 23 di yüli 2019 e departamento di asuntunan Sosial i Ekonómiko (UNDESA) di Nashonnan Uní huntu ku ‘INTOSAI Development Initiative (IDI)’ a organisá na New York e enkuentro: ‘Kontralorianan ku ta hasi e diferensia:  kontròl di implementashon di e metanan duradero’ (SAI Leadership and Stakeholder Meeting - Supreme Audit Institutions making a difference: Auditing the implementation of the Sustainable Development Goals).

Kontraloria General di Kòrsou tambe a partisipá na e enkuentro aki. E enkuentro a ofresé na e partisipantenan e oportunidat pa por inventarisá o traha un balansa di e eksperensia ku a atkerí den e tres añanan den kuadro di investigashon di efisiensia hasi riba preparashon dor di gobièrnunan pa por implementá e Metanan di Desaroyo Sostenibel  (SDGs).

Den diskushonnan por a nota kon e eksperensianan optené por sirbi den futuro na un kontròl riba implementashon di sierto SDG spesífiko. E enkuentro tabata dirigí tambe riba fasilitá un diálogo informativo entre e representantenan di e Kontralorianan ku a partisipá i otro interesadonan pa loke ta trata e kontribushon di kontralorianan i auditornan eksterno na e mekanismo di evaluashon di SDG na diferente nivel.