Nederlands

Proseso di Investigashon

 Proseso di Investigashon

Proseso di investigashon

Kontraloria ta sigui desaroyo di tur sektor i ministerio. A base di e desaroyonan i e riesgonan mará na kada un, Kontraloria ta determiná tur aña kua ta e investigashonnan ku e ta deseá di hasi. Parlamento tambe por entregá petishon pa hasi un investigashon spesífiko.

Promé ku start un investigashon, ta formulá un proposishon di investigashon ku Kolegio ta aprobá. Despues, ta pone e minister korespondiente i e sekretario general na altura ku ta bai hasi e investigashon.

Bou di supervishon di un di e lidernan di sektor, personal di Kontraloria ta ehekutá e investigashon na un manera minusioso i profeshonal, konforme e normanan di kalidat fihá.

Ta pone e resultadonan di e investigashon den un rapòrt. Kontraloria ta hasi esaki ku sumo kuidou. Promé ku presentá e informe na Parlamento, ta presentá e rapòrt preliminar na sekretario general di e ministerio en kuestion, pa e proseso di skucha tur dos banda por tuma lugá na nivel ofisial. Despues di e evaluashon ofisial, ta presentá e rapòrt preliminar na e minister responsabel, pa e proseso di skucha tur dos banda por tuma lugá na nivel atministrativo. Si e minister reakshoná riba e rapòrt, ta inkluí su reakshon integralmente den e rapòrt presentá na Parlamento.