Nederlands

Training pa mehorá enbolbimentu di stakeholders

 Training pa mehorá enbolbimentu di stakeholders

Di 7 te ku 18 di ougùstùs 2017, 'INTOSAI Development Initiative (IDI)' a ofresé un training na Kingston, Jamaica pa nuebe kontraloria miembro di 'Caribbean Organisation of Supreme Audit Institutions (CAROSAI)', esta: Antigua i Barbuda, Dominica, Granada, Jamaica, Montserrat, St. Lucia, St. Vincent i Grenadines, Sürnam i Kòrsou, tokante enbolbimentu di e diferente partinan interesá (stakeholders).

Na tur, diesshete representante a partisipá, inkluso dos di Kòrsou. Programa di e training a inkluí seshon tantu teorétiko komo práktiko, den kua a identifiká e diferente stakeholder di kada pais partisipante a base di nan situashon spesífiko i a formulá strategia pa mehorá relashon ku e stakeholdernan ku a keda identifiká. A elaborá e strategianan akí, formulando plan di akshon ku lo keda implementá despues ku Kolegio di Kontraloria General di Kòrsou a aprobá nan. E trayekto akí ta den pleno marcha.

IDI su meta prinsipal ta di apoyá e miembronan di e diferente organisashonnan di kontraloria den nan esfuersonan pa hisa nan nivel di prestashon, outonomia i profeshonalismo na un manera duradero. Mas di IDI.